Rabia

« Aru neɣ qqim », Par Boualem Rabia

Ma tamaziɣt d isem kan
Kečč aru neɣ qqim
Imi d agad mi tga amkan
Akwersi d wedrim
Anid’ akken terriḍ ay llan
Kečč aţsifeḍ aclim

Ma tamaziɣt d asuɣu kan
Nsuḍ-as deg udɣes
Yis ay ṭṭfen meṛṛa imukan
Wid s- iţṛuẓẓun iɣes
Imenza umennuɣ anidan
Uɣalen d idis terkwes

Ma tamaziɣt d serwet kan
Ay ul ma teṛjiḍ-ţ ayes
Waleɣ-ţ t-tyerza ileɣwman
Anda nekrez i neεfes
Imḍebbaṛ mačči g-mawlan
D awaziw ad iskurkes

Ziɣ tamaziɣt smeεlek kan
Nek ad lhiɣ t-tutlayt-iw
Ɛelqen-as irbiben d aklan
Tesuṭṭeḍ-in teεdawt-iw
Asmi d aɣelluy g- berdan
I-gefkan idim d idurer-iw
Iselmad umezruy yecfan
Ay ferneɣ Taqwbaylit-iw.

Boualem RABIA
Aube du 31 mai 2020.

Related posts

Pour un Printemps des Poètes

Rédaction